TDTW

Na FamilySearch e isoqosoqo sega ni rawa tubu ka mataveilawa e vakatabakidua nona veiqaravi me vukei ira na tamata mera kunea na nodra ituvatuva ni kawa. E vakarautaka tu na veiqaravi sega ni saumi me raici kina na ituvatuva ni kawa, vunikau ni matavuvale, kei na ivurevure tale eso. E duatani duadua na FamilySearch baleta nio koya edua na ivurevure sega ni saumi ka dua vei ira na isoqosoqo levu duadua ka rabailevu nona veiqaravi ni tuva kawa ena vuravura, ka tokoni mai na dua na matavoladia ni vuravura raraba ka ra veivuke ena kena tuvai vakamatanivola ka maroroi na ivolatukutuku makawa.

Na FamilySearch International, ka vakailavotaka Na Lotu i Jisu Karisito ni Yalododonu Edaidai, e isoqosoqo levu duadua ni tuva kawa e vuravura. Sa sivia oqo e 125 na yabaki, na nona vakasokumuna, maroroya, ka wasea na veiivolatukutuku ni kawa. Era milioni na tamata era vakayagataka na kena veiivurevure sega ni saumi ena initaneti ena FamilySearch.org ena sivia na 6,500 na veiivalenivolavola ni FamilySearch ena 129 na veimatanitu, oka kina na kena valenivola liu e Salt Lake City, Utah.

Io, na FamilySearch e sega ni saumi na kena vakayagataki. Na isoqosoqo e vakarautaka tu na veiqaravi sega ni saumi me raici kina na ikumuni vakaitamera ni ituvatuva ni kawa, vunikau ni matavuvale, kei na veiivurevure tale eso. O rawa ni dolava edua na akaude, tara nomu vunikau ni matavuvale, ka raica na veiivolatukutuku eso ka sega ni saumi.

Io, na FamilySearch e tovolea me vukei ira na tamata e veivanua mera semati ena nodra ituvatuva ni kawa. E vakarautaki tu ena sivia na 170 na veimatanitu kei na levu na veimataqali vosa. Na mataveilawa kei na app veikauyaki era sa vakarautaki tu ena sivia na 40 na vosa, oka kina na Vakavalagi, Sipeni, Jamani, Jaina, Javani, kei na vuqa tale.

Me vuavuai vinaka na veika o sotava, e dodonu mo saini iloma. E vuqa na kena veitabana lelevu ena gadrevi iko mo saini iloma, ia e sega ni saumi kina edua na ka. Ia, e sega ni gadrevi mo saini iloma mo raica kina e vuqa na veitabana ena mataveilawa, oka kina o ira na veiivurevure oqo:

• Ketaloqi ni FamilySearch: Vaqarai ni ivolatukutuku makawa me vukea nomu vakadikeva na ituvatuva ni kawa.

• FamilySearch Research Wiki: Rawati ni ivurevure ni veivuke kei na vuli me baleta na iyaya kei na vosa era vakayagataki ena FamilySearch.

• Veika Kece me Baleti Au: Kunea na veika dina me baleta na yacamu kei na veika a yaco ena yabaki o a sucu kina.

Me laurai tale na veitabana eso ena mataveilawa ni FamilySearch, vakamuria na veiikalawa oqo mo saini iloma:

1. Gole kina FamilySearch.org, ka kiliki ena Saini iLoma.

2. Digitaka mo saini iloma ena vakayagataki ni akaude ni Google, Facebook, Apple sa tiko rawa, se akaude ni Lotu (vei ira na lewenilotu i Jisu Karisito ni Yalododonu Edaidai).

3. Ke o gadreva, e rawa talega mo bulia edua na yaca vakayagataki kei na vosanicuru.

4. Vakacuruma edua na imeli se naba ni talevoni veikauyaki me vakayagataki me vakalesui mai kina na akaude.

5. Duavata kei na iVakarau ni Kena Vakayagataki kei na Notisi ni iTukutuku Taqomaki, ka qai kiliki ena Vakacavari.

6. Tekivu cakacaka ena nomu akaude nio vakamuria na idusidusi a vakau yani kina nomu imeli se talevoni veikauyaki.

O na rawa ni curu kina FamilySearch ena gauna cava ga nio lavetaka na Vunikau ni Matavuvale, iVakananumi, se Get Involved apps mai na Apple App Store se Google Play Store. Ni sa lavetaki rawa na app, dolava sara, ka saini iloma ena nomu akaude ni FamilySearch.

Io, na FamilySearch e vakabibitaka na taqomaki ni itukutuku vakaitaukei kei na ivolatukutuku, ka muria kina eso na iwalewale me karoni kina na kemu itukutuku. Sa rawa mo nuitaka ni nomu itukutuku ena qarauni sara vakavinaka.

Na vanua mo tekivu kina ena vakatau vakalevu sara ena ka o via rawata. Oqo eso na madigi me vukei iko mo tekivu:

• Tauyavutaka edua na vunikau ni matavuvale: Tekivu ena nomu vakalewena na itukutuku o kila tiko me baleta na nomu matavuvale voleka. E rawa nio vakayagataka na kato ni itukutuku levu ni FamilySearch mo kunea eso tale na ivolatukutuku ka vakalevutaka na nomu vunikau.

• Kunei ira na qase e liu ena ivolatukutuku makawa: Vakayagataka na gacagaca ni vakasaqaqara ena FamilySearch mo vakadikeva kina e bilioni na ivolatukutuku, oka kina na sucu, vakamau, mate, wili lewenivanua, kei na ivolatukutuku vakamataivalu.

• Maroroi ni itaba kei na italanoa ni matavuvale: Vakayagataka na tabana ni iVakananumi me vakacurumi na itaba, italanoa, kei na ivolatukutuku.

• Vukei vakatamata yadua: Lokuca edua na veivakasalataki kei na dua na kenadau ni FamilySearch mo vukei ena ka e ganiti iko.

Ke o sotava eso na leqa vakamisini nio vakayagataka tiko na FamilySearch.org, na Valenivolavola ni Veivuke ni FamilySearch e vakarautaka tu e levu sara na ivurevure, oka kina na itukutuku, veituberi, kei na TDTW me vukea na leqa edau yaco vakawasoma. Ke o gadreva eso tale na veivuke, sa rawa mo veitaratara yani kina timi ni veitokoni ni FamilySearch me baleta na veivuke vakatamata yadua.

E vica na ivurevure era sa tiko me vukei iko ena nomu vakadidike ni tuva kawa, oka kina na vidio ena onolaini, valenivolavola ni FamilySearch e nomu vanua, kei na veivakasalataki ena onolaini. Na FamilySearch sa tiko eso na nona itabe kei na soqo era vakavulica na veimataqali iwalewale ni tuva kawa. O ira na ivurevure sega ni saumi oqo era rawa ni vukei iko mo kila na veivuke o gadreva me vuavuai vinaka kina na nomu vakadidike ni tuva kawa.

Nio kila e levu na ka me baleta na nomu vunikau ni matavuvale, ona kila e levu cake na ka me baleti iko kei na sala mo bulataka kina edua na bula e uasivi cake. Na tuva kawa e vukei iko mo kilai iko, sema vei ira na qase e liu, ka tara cake na bula qaqaco ni vulici na nodra bolebole. E vakavurea na yalololoma, vaqaqacotaka na isema vakamatavuvale, ka vakatorocaketaka na keda yaga vakayadua ena nona vukei iko mo kila vinaka nio tiki ni dua na italanoa levu.

Na FamilySearch edau cicivaka na veimataqali soqo ena loma ni yabaki, oka kina na soqo vakayabaki ni RootsTech, na koniferedi levu duadua ni tuva kawa e vuravura, yaco e veiyabaki kei na madigi erua ni tiko vakatamata se kena ena onolaini. Na FamilySearch e vakarautaka tale tu ga na vuli ena initaneti kei na veikalasi eso ena veiulutaga ni tuva kawa ena loma ni yabaki.