ТАА

FamilySearch бол хүмүүст гэр бүлийн түүхээ судалж мэдэхэд нь туслах зорилготой олон улсын ашгийн бус байгууллага юм. Энэ нь угийн бичгийн бүртгэл, ургийн мод болон бусад эх сурвалжид үнэ төлбөргүй хандах үйлчилгээг санал болгодог. FamilySearch-ийг онцгой болгодог зүйл бол төлбөр төлөх шаардлагагүйн дээр энэ нь дэлхийд хамгийн өргөн хүрээг хамарсан хамгийн том угийн бичгийн байгууллага бөгөөд үүнд түүхэн баримт бичгүүдийг индексжүүлж, хадгалан хамгаалахад тусалдаг сайн дурын хүмүүсийн дэлхийг хамарсан сүлжээ дэмжлэг үзүүлдэг.

FamilySearch бол дэлхийн хамгийн том угийн бичгийн олон улсын байгууллага бөгөөд үүнийг Есүс Христийн Хожмын Үеийн Гэгээнтнүүдийн Сүм ивээн тэтгэдэг. 125 гаруй жилийн турш энэ байгууллага угийн бичгийн бүртгэлүүдийг цуглуулж, хадгалан хамгаалж, хуваалцаж байна. Олон сая хүн FamilySearch.org, 129 оронд байрлах 6500 гаруй FamilySearch төв, Юта мужийн Солт Лэйк Ситигийн төв номын сангийн үнэ төлбөргүй эх сурвалжуудыг онлайнаар ашигладаг.

Тийм ээ, FamilySearch-ийг ашиглахад ямар ч төлбөр төлөх шаардлагагүй. Энэхүү байгууллага угийн бичгийн бүртгэлийн цуглуулга, ургийн мод болон бусад баялаг эх сурвалж руу үнэ төлбөргүй хандах боломжийг олгодог. Та ямар нэгэн төлбөр төлөхгүйгээр аккаунт үүсгэх, өөрийн ургийн модыг бүтээх, бүртгэлүүдэд хандах боломжтой.

Тийм ээ, FamilySearch нь хаа газрын хүмүүсийг гэр бүлийн түүхтэй нь холбож өгөхийг зорьдог. Үүнийг 170 гаруй оронд, олон хэлээр ашиглах боломжтой. Вэбсайт, гар утасны аппликэйшныг нь англи, испани, франц, герман, хятад, япон зэрэг 40 гаруй хэлээр ашиглах боломжтой байдаг.

Хамгийн үр дүнтэй хэлбэрээр ашиглахын тулд та нэвтрэх шаардлагатай. Олон чухал гол үйлдлийг үнэ төлбөргүй ашиглахын тулд танаас нэвтэрч орохыг шаарддаг. Гэсэн хэдий ч та вэбсайтын эдгээр эх сурвалж болон зарим үйлдлийг ашиглахын тулд заавал нэвтэрч орох шаардлагагүй.

• FamilySearch-ийн лавлах жагсаалт: Таны угийн бичгийн судалгаанд нэмэр болох түүхэн бүртгэлийн хайлтыг хийнэ.

• FamilySearch судалгааны вики: FamilySearch-ийн хэрэгслүүд болон нэр томъёоны тусламж болон эх сурвалжид нэвтэрнэ.

• Миний тухай бүх зүйл: Таны нэр болон төрсөн онтой холбоотой үйл явдлуудын талаарх баримтуудыг олж мэднэ.

FamilySearch вэбсайт дээрх илүү олон үйлдлийг ашиглахын тулд нэвтрэх дараах алхмуудыг дага. Үүнд:

1. FamilySearch.org руу ороод, Нэвтрэх дээр дар.

2. Одоо хэрэглэж байгаа Google, Facebook, Apple, эсвэл Сүмийн аккаунтаараа (Есүс Христийн Хожмын Үеийн Гэгээнтнүүдийн Сүмийн гишүүдэд зориулсан) нэвтэр.

3. Хэрэв та хүсвэл хэрэглэгчийн нэр, нууц үг үүсгэх боломжтой.

4. Сэргээх сонголт дээр э-мэйл хаяг эсвэл утасны дугаар оруулна.

5. Ашиглах нөхцөл ба нууцлалын мэдэгдлийг хүлээн зөвшөөрч, Болсон дээр дарна.

6. Өөрийн э-мэйл хаяг эсвэл утасны дугаарт ирсэн зааварчилгааны дагуу аккаунтаа идэвхжүүлнэ.

Та Apple App Store эсвэл Google Play Store аппликэйшнээс Family Tree, Memories, Get Involved зэрэг аппликэйшнүүдийн аль нэгийг татаж суулгаад байгаа газраасаа FamilySearch рүү нэвтрэх боломжтой. Аппликэйшнээ суулгасан бол ороод, FamilySearch аккаунтаараа нэвтэрнэ.

Тийм ээ, FamilySearch нь хэрэглэгчийн нууцлал болон мэдээллийн аюулгүй байдлыг эн тэргүүнд тавьдаг бөгөөд таны мэдээллийг хамгаалах найдвартай арга хэмжээг авч хэрэгжүүлдэг. Та өөрийн мэдээллийг найдвартай хамгаалалтад байгаа гэдэгт итгэлтэй байж болно.

Таны хаанаас эхлэх нь юу хүсэж байгаагаас тань ихээхэн хамаарна. Танд эхлэхэд тань туслах зарим сонголтыг санал болгоё. Үүнд:

• Ургийн мод үүсгэ: Гэр бүлийнхээ ойрын гишүүдийн талаарх өөрийн мэддэг зүйлсийг эхний ээлжинд оруул. Дараа нь та FamilySearch-ийн баялаг мэдээллийн санг ашиглан, модоо тэлэх илүү олон бүртгэл мэдээлэл хайж олох боломжтой.

• Түүхэн баримт бичиг дээрх өвөг дээдсээ хайж олох: FamilySearch-ийн хайх үйлдлийг ашиглан төрөлт, гэрлэлт, нас баралт, хүн амын тооллого, цэргийн бүртгэл зэрэг олон тэрбум бүртгэлээс хайлт хий.

• Гэр бүлийн зураг, түүхүүдийг хадгал: "Дурсамжууд" үйлдлийг ашиглан зураг, түүх, баримт бичгүүдээ байршуул.

• Өөрийн хэрэгцээнд тохирсон тусламж ав: FamilySearch-ийн мэргэжилтнүүдтэй уулзалт товлон, өөрийн хэрэгцээ шаардлагад нийцсэн дэмжлэгийг ав.

FamilySearch.org-ийг ашиглах явцад техникийн асуудал гарсан үед FamilySearch Тусламжийн төв нь түгээмэл гардаг асуудлуудыг шийдвэрлэх нийтлэл, хичээл, ТАА зэрэг баялаг эх сурвалжуудыг санал болгодог. Хэрэв танд илүү их туслалцаа хэрэг болбол FamilySearch дэмжлэгийн багтай холбогдон, өөрийн хэрэгцээнд нийцсэн тусламжийг авах боломжтой.

Онлайн видео, танай цуглааны байртай ойр байрладаг FamilySearch төвүүд, онлайн зөвлөгөө зэрэг хэд хэдэн эх сурвалж таны угийн бичгийн судалгаанд дэмжлэг үзүүлэх боломжтой байдаг. FamilySearch нь угийн бичгийн судалгааны харилцан адилгүй ур чадваруудыг зааж сургах зорилгоор сонирхолтой мэдээлэл бүхий блог, арга хэмжээнүүдийг зохион байгуулдаг. Эдгээр үнэ төлбөргүй эх сурвалж нь гэр бүлийн түүхийн судалгаагаа хамгийн үр дүнтэй байдлаар явуулахад тань ямар дэмжлэг хэрэгтэй байгааг олж харахад танд тусална.

Ургийн модныхоо талаар илүү олон зүйлийг мэдэж авснаар та өөрийн хэн болох мөн хэрхэн илүү сайхан амьдрахад суралцах болно. Угийн бичиг танд өөрийнхөө талаар танин мэдэж, өвөг дээдэстэйгээ холбогдож, тэдэнд тулгарч байсан саад бэрхшээлийн тухай олж мэдсэнээр дамжуулан сэтгэлийн тэнхээтэй болоход туслах болно. Энэ нь томоохон түүхийн нэгэн хэсэг гэдгээ ойлгоход тань тусалснаар нигүүлсэнгүй сэтгэлийг өрдөж, гэр бүлийн холбоог бэхжүүлж, таны өөрийгөө үнэлэх үнэлэмжийг нэмэгдүүлэх болно.

FamilySearch нь жил бүр танхимаар ба онлайн гэсэн хосолсон хэлбэрээр явагддаг дэлхийн хамгийн том гэр бүлийн түүхийн чуулган болох Рүүтстэк зэрэг арга хэмжээг жилд хэд хэдэн удаа зохион байгуулдаг. Мөн FamilySearch нь угийн бичигтэй холбоотой олон янзын сэдвээр хичээл, онлайн сургалтыг жилийн турш тогтмол явуулдаг.