FFS

O le FamilySearch o se faalapotopotoga e leai se polofiti ma o se uepisaite ua tuuto atu i le fesoasoani i tagata ia maua o latou talafaasolopito o aiga. E na te ofoina atu fesootaiga mauafua i faamaumauga o gafa, gafa o aiga, ma isi punaoa. O le FamilySearch e tulaga ese lava ona o se punaoa e mauafua ma o se tasi o faalapotopotoga o gafa e sili ona tele ma sili ona atoatoa i le lalolagi, ua lagolagoina e se fesootaiga o tagata galulue fua i le lalolagi, o e ua fesoasoani e faatulaga faasino igoa ma teumalu pepa faamatalaga o talafaasolopito.

O le FamilySearch International, lea e lagolagoina e le O le Ekalesia a Iesu Keriso o le Au Paia o Aso e Gata Ai, o se faalapotopotoga o gafa sili ona tele i le lalolagi. Mo le silia ma le 125 tausaga, ua ia aoina mai, teumaluina/faasaosaoina, ma faasoaina atu faamaumauga o gafa. E faaaogaina e le faitau miliona o tagata ona punaoa e leai se totogi i luga o le initoneti i le FamilySearch.org i le silia ma le 6,500 nofoaga autu o le FamilySearch i totonu o le 129 atunuu, e aofia ai le potutusi autu i le Aai o Sate Leki, Iuta.

Ioe, o le FamilySearch e matuai aunoa ma se totogi e faaaoga ai. Ua saunia e le faalapotopotoga fesootaiga mauafua i lana faaputuga tele o faamaumauga o gafa, gafa o aiga, ma isi punaoa. E mafai ona e fatuina se faitotoa, fausia le gafa o lou aiga, ma maua faamaumauag e aunoa ma se totogi.

Ioe, e saili le FamilySearch e fesoasoani i tagata i nofoaga uma lava e fesootai i o latou talafaasolopito o aiga. Ua maua i le silia ma le 170 atunuu ma lagolagoina le tele o gagana. O le uepisaite ma polokalama i telefoni feaveai ua i ai i le silia ma le 40 gagana, e aofia ai le gagana Igilisi, faaSipaniolo, faaFarani, faaSiamani, faaSaina, faaIapani, ma le tele lava.

Ina ia maua le aafiaga sili ona lelei, e tatau ona e saini e alu i totonu. O le tele o matapule autu e manaomia ai ona e saini e alu i totonu, ae e faaaogaina fua uma. Ae peitai, e le manaomia ona e saini e alu i totonu ina ia e maua ai le tele matapule o le uepisaite, e aofia ai punaoa nei:

• FamilySearch Catalog: E saili ai faamaumauga faatalafaasolopito e fesaosoani i au sailiiliga o gafa.

• FamilySearch Research Wiki: E maua ai le fesoasoania ma punaoa e aoao ai e uiga i meafaigaluega ma vaogagana o le FamilySearch.

• All About Me: E maua ai mea moni e uiga i lou igoa ma mea na tutupu mai le tausaga na e fanau ai.

Ina ia maua le tele o matapule i luga o le uepisaite o le FamilySearch, mulimuli i laasaga nei e saini ai e alu i totonu:

1. Alu ile FamilySearch.org, ma kiliki i luga o le Saini e Alu i Totonu.

2. Filifili e saini e alu ai i totonu e faaaogaina ai lau faitotoa ua i ai o le Facebook, Apple, po o le Ekalesia (mo tagata auai O le Ekalesia a Iesu Keriso o le Au Paia o Aso e Gata Ai).

3. Afai e te finagalo ai, e mafai foi ona e fatuina se igoa faaaoga ma se upu tatala.

4. Ta i totonu se imeli po o se numera o se telefoni feaveai mo se filifiliga e toe maua ai.

5. Ia malie i Tulaga o le Faaaogaina ma Faasilasilaga o Faamatalaga e Le Faalauaiteleina, ona kiliki le a le Mae'a.

6. Faaola lau faitotoa e ala i le mulimuli i faatonuga ua lafoina atu i lau imeli po o le telefoni feaveai.

E mafai ona e maua le FamilySearch e ala i le sii mai o pololakalama o le FamilyTree, Memories po o le Get Involved mai le Apple App Store po o le Google Play Store. A maea loa ona sii mai ma faaola le polokalama, tatala loa, ma saini e alu i totonu e faaaoga i lau faitotoa o le FamilySearch.

Ioe, e faamuamua e le FamilySearch le le faalauteleina a tagata faaaoga ma le malupuipuia o faamatalaga, e ala i ni faiga malolosi ma mauaa ua maea faataatitia e puipuia ai faamatalaga. E mafai ona e faatuatua o au faamaumauga o loo taulimaina ma le faaeteetega silisili.

O le mea e te amata ai e faamoemoe tele lava i luga o le vaega e te finagalo ina ia ausia. O nisi nei o filifiliga e fesoasoani e te amata ai:

• Fatu se gafa o le aiga: Amata i le ta i totonu o faamatalaga ua e silafia e uiga lou aiga vavalalata. Ona mafai lea ona e faaaogaina le utofaamaumauga tele a le FamilySearch e saili ai faamaumauga faaopoopo ma faalautele ai lou gafa.

• Saili augatama i pepa o faamaumauga faatalafaasolopito: Faaaoga le matapule saili i luga o le FamilySearch e sailiili ai le piliona o faamaumauga, e aofia ai faamaumauga o le fananau mai, faaipoipoga, maliliu, tusigaiogoa ma le militeli.

• Teu malu ata ma tala o aiga: Faaaoga le matapule o Manatuaga e uta ai ata, tala, ma pepa o faamatalaga.

• Maua le fesoasoani patino: Faatulaga se faatalatalanoaga mauafua ma se tagata tomai faapitoa o le FamilySearch mo se fesoasoaniga patino ua saunia faapitoa.

Afai e te fetaiai ma ni faafitauli tau i masini ao faaaogaina le FamilySearch.org, e ofo atu e le FamilySearch Help Center se tamaoaiga o punaoa, e aofia ai tusiga, aoaoga faamasani, ma FFS e fesoasoani e faafoia ai faafitauli masani. Afai e te moomia se isi fesoasoaniga, e mafai foi ona e valaau atu i le vaega lagolago a le Family Search mo se fesoasoaniga patino mo oe lava.

Ua i ai lava nai punaoa ua avanoa e fesoasoani ia te oe i lau sailiiliga o gafa, e aofia ai vitio i luga o le initoneti, ofisa tutotonu o le FamilySearch i le lotoifale, ma faatalatalanoaga i luga o le initoneti. Ua i ai i le FamilySearch ni tusitusiga ma mea e tutupu e aoao atu ai ni tomai eseese i gafa. O nei punaoa mauafua e mafai ona fesoasoani ia te oe ia iloa le fesoasoaniga e tatau ona e faaaogaina lelei i lau sailiiliga o gafa o le aiga.

O le iloa o mea e tele e uiga i lou gafa o le aiga, o le tele foi lea o lou iloa po o ai oe ma pe faapefea ona e ola i se olaga lelei atu. E fesoasoani le gafa e te malamalama ai i lou faasinomaga, fesootai ai i ou augatama, ma atinae le tauivi e ala i le aoao e uiga i o latou luitau. E faafailele ai le agaalofa, faamalosia sootaga o aiga, ma saga faaleleia le taua o le tagata lava ia e ala lea i le fesoasoani ia te oe e malamalama i le auala ua avea ai oe ma se vaega o se tala e silisili atu ona tele.

E talimalo le FamilySearch i gaoioiga eseese i le aluga o le tausaga, e aofia ai le gaoioiga faaletausaga o le RootsTech, o se konafesi o talafaasolopito o aiga e aupito toatele i le lalolagi atoa, e faia faaletausaga faatasi ma filifiliga e auai ai faafesagai ma le maimoa atu i luga o le initoneti. E ofoina mai foi e le FamilySearch ni uepisemina masani ma vasega i mataupu eseese tau gafa, i le tausaga atoa.