PBR‑të

Organizata FamilySearch është një kënd interneti dhe një organizatë jofitimprurëse e përkushtuar për t’i ndihmuar njerëzit që të zbulojnë historinë e tyre familjare. Ajo ofron të drejtë përdorimi falas të dokumenteve gjenealogjike, pemëve familjare dhe burimeve të tjera. Organizata FamilySearch është unike pasi është burim falas dhe një prej organizatave gjenealogjike më të mëdha dhe më gjithëpërfshirëse në botë, e përkrahur nga një rrjet global vullnetarësh, të cilët ndihmojnë në indeksimin dhe ruajtjen e dokumenteve historike.

Organizata FamilySearch International, e sponsorizuar nga Kisha e Jezu Krishtit e Shenjtorëve të Ditëve të Mëvonshme, është organizata më e madhe gjenealogjike në botë. Për më shumë se 125 vjet, ajo ka mbledhur, ruajtur dhe shpërndarë dokumente gjenalogjike. Miliona njerëz i përdorin burimet e saj falas në internet në faqen FamilySearch.org dhe në më shumë se 6500 qendrat e programit FamilySearch në 129 shtete, përfshirë bibliotekën kryesore në Solt‑Lejk‑Siti të Jutës.

Po, programi FamilySearch është tërësisht falas për t’u përdorur. Organizata siguron hyrje falas te koleksionet e saj shumë të mëdha të dokumenteve gjenealogjike, te pemët familjare dhe burime të tjera. Ju mund të krijoni një llogari, të ndërtoni pemën tuaj familjare dhe të përdorni dokumente pa asnjë pagesë.

Po, programi FamilySearch ka synim t’i ndihmojë njerëzit kudo të lidhen me historinë e tyre familjare. Ai është në dispozicion në mbi 170 vende dhe pranon shumë gjuhë. Këndi i internetit dhe programet për telefonat celularë janë në dispozicion në më shumë se 40 gjuhë, përfshirë në anglisht, spanjisht, frengjisht, gjermanisht, kinezisht, japonisht dhe shumë të tjera.

Për të pasur përvojën më të mirë, ju duhet ta nënshkruani hyrjen. Shumë prej veçorive kryesore kërkojnë nga ju që të nënshkruani hyrjen, por ato janë tërësisht falas. Sidoqoftë, nuk ju nevojitet të nënshkruani hyrjen që të përdorni shumë veçori në këndin e internetit, duke përfshirë këto burime:

• Katalogun e Programit FamilySearch: Kërkoni dokumente historike për të ndihmuar punën tuaj kërkimore për gjenealogjinë.

• Kërkimin në Wiki për Programin FamilySearch: Përdorini burimet e ndihmës dhe të të mësuarit për mjetet e programit FamilySearch dhe terminologjinë.

• Gjithçka Rreth Meje: Zbuloni fakte rreth emrit tuaj dhe ngjarjeve nga viti kur u lindët.

Që të keni të drejtë përdorimi për më shumë veçori në këndin e internetit FamilySearch, ndiqni këta hapa për të nënshkruar hyrjen:

1. Shkoni te faqja FamilySearch.org dhe klikoni te Nënshkruani Hyrjen.

2. Zgjidhni që ta nënshkruani hyrjen duke përdorur llogarinë tuaj ekzistuese të platformës Google, Facebook, Apple ose të Kishës (për anëtarët e Kishës së Jezu Krishtit të Shenjtorëve të Ditëve të Mëvonshme).

3. Nëse e parapëlqeni, ju mund edhe të krijoni një emër përdoruesi dhe fjalëkalim.

4. Futni një adresë të postës elektronike ose një numër telefoni celular për mundësitë e rimarrjes së llogarisë.

5. Pranojini Kushtet e Përdorimit dhe Njoftimin mbi Privatësinë dhe pastaj klikoni te I Përfunduar.

6. Aktivizojeni llogarinë tuaj duke ndjekur udhëzimet që dërgohen në postën tuaj elektronike ose në numrin tuaj të telefonit celular.

Ju mund të hyni te programi FamilySearch kudo që jeni duke shkarkuar programet Pema Familjare [Family Tree], Kujtimet [Memories] ose Përfshihuni [Get Involved] nga dyqani App Store i platformës Apple ose Play Store i platformës Google. Pasi programi të jetë instaluar, hapeni dhe nënshkruani hyrjen me llogarinë tuaj të programit FamilySearch.

Po, programi FamilySearch i jep përparësi privatësisë së përdoruesit dhe sigurisë së të dhënave, me masa të sigurta e siç duhen për ta mbrojtur informacionin tuaj. Mund të keni mirëbesim që të dhënat tuaja trajtohen me kujdesin maksimal.

Se nga do t’ia nisni, varet në masë të madhe nga ajo që dëshironi të arrini. Këtu janë disa mundësi për t’ju ndihmuar t’ia nisni nga puna:

• Krijoni një pemë familjare: Filloni duke hedhur informacionin që e dini tashmë rreth familjarëve tuaj më të afërt. Pastaj, mund të përdorni bazën shumë të gjerë të të dhënave të programit FamilySearch për të gjetur dokumente të tjera dhe për ta zgjeruar pemën tuaj.

• Gjeni paraardhës në dokumente historike: Përdorni veçorinë e kërkimit te programi FamilySearch për të eksploruar miliarda dokumente, përfshirë dokumente lindjeje, martese, vdekjeje, ushtarake dhe të regjistrimit të përgjithshëm të popullsisë.

• Ruajini fotografitë dhe historitë familjare: Përdorni veçorinë Kujtimet për të ngarkuar fotografi, histori dhe dokumente.

• Merrni ndihmë të personalizuar: Planifikoni një këshillesë falas me një ekspert nga programi FamilySearch për ndihmë të përshtatur.

Nëse ndeshni probleme teknike ndërkohë që përdorni faqen FamilySearch.org, Qendra e Ndihmës e Programit FamilySearch ofron një shumicë burimesh, përfshirë artikuj, materiale udhëzuese dhe PBR për të ndihmuar në zgjidhjen e problemeve të zakonshme. Nëse ju nevojitet ndihmë e mëtejshme, mund t’i drejtoheni edhe ekipit nga sektori i përkrahjes i programit FamilySearch për ndihmë të personalizuar.

Janë në dispozicion disa burime për t’ju ndihmuar për punën tuaj kërkimore për gjenealogjinë, përfshirë materiale filmike në internet, qendra vendore të programit FamilySearch dhe këshillesa në internet. Programi FamilySearch ka ngjarje dhe ditarë informues në internet që japin mësim një larmi zotësish gjenealogjike. Këto burime falas mund t’ju ndihmojnë të përcaktoni ndihmën që ju nevojitet për të marrë maksimumin prej punës suaj kërkimore për historinë familjare.

Duke ditur më shumë rreth pemës suaj familjare, ju dini më shumë rreth asaj se kush jeni dhe si të jetoni një jetë më të mirë. Gjenealogjia ju ndihmon të kuptoni identitetin tuaj, të lidheni me paraardhësit dhe të zhvilloni aftësi ripërtëritëse duke mësuar rreth sfidave të tyre. Ajo kultivon dhembshurinë, i forcon lidhjet familjare dhe e shton vlerën e vetvetes duke ju ndihmuar të kuptoni se si ju jeni pjesë e një historie më të madhe.

Organizata FamilySearch mban ngjarje të ndryshme gjatë gjithë vitit, përfshirë ngjarjen e përvitshme RootsTech, konferencën më të madhe në botë për historinë familjare, e cila zhvillohet çdo vit me mundësinë si për prani fizike edhe virtuale. Në programin FamilySearch ofrohen gjithashtu seminare në internet dhe orë të rregullta mësimore mbi tema të ndryshme gjenealogjike gjatë gjithë vitit.