Mga Bagay na Madalas Itanong (FAQ)

Ang FamilySearch ay isang nonprofit na organisasyon at website na nakatuon sa pagtulong sa mga tao na matuklasan ang kasaysayan ng kanilang pamilya. Nagbibigay ito ng libreng access sa mga genealogical record, family tree, at iba pang mga resource. Natatangi ang FamilySearch dahil isa itong libreng resource at kabilang sa pinakamalaki at pinakakomprehensibong mga organisasyon ng talaangkanan sa buong mundo, na suportado ng mga volunteer mula sa iba't ibang panig ng mundo na tumutulong mag-index at magpreserba ng mga dokumento ng kasaysayan.

Ang FamilySearch International, na pinopondohan ng Ang Simbahan ni Jesucristo ng mga Banal sa mga Huling Araw, ang pinakamalaking organisasyon ng talaangkanan sa buong mundo. Sa loob ng mahigit 125 taon, ito ay nagtipon, nagpreserba, at nagbahagi ng mga rekord ng talaangkanan. Milyun-milyong tao ang gumagamit ng mga libreng resource nito online sa FamilySearch.org at sa mahigit 6,500 FamilySearch center sa 129 bansa, kabilang ang pangunahing library sa Salt Lake City, Utah.

Oo, ang FamilySearch ay libreng gamitin. Ang organisasyong ito ay nagbibigay ng libreng access sa malawak nitong koleksiyon ng mga rekord ng talaangkanan, family tree, at iba pang mga resource. Maaari kang gumawa ng account, bumuo ng iyong family tree, at mag-access ng mga rekord nang walang bayad.

Oo, sinisikap ng FamilySearch na tulungan ang mga tao sa lahat ng dako na kumonekta sa kasaysayan ng kanilang pamilya. Ito ay magagamit sa mahigit 170 bansa at sa maraming wika. Ang website at mga mobile app ay magagamit sa mahigit 40 wika, kabilang na ang English, Spanish, French, German, Chinese, Japanese, at marami pang iba.

Para sa pinakamagandang karanasan, kailangan mong mag-sign in. Marami sa mga pangunahing feature ay nangangailangan na ikaw ay mag-sign in, pero libre naman ito. Gayunman, hindi mo kailangang mag-sign in para ma-access ang maraming features ng website, kabilang na ang mga resources na ito:

• FamilySearch Catalog: Maghanap sa mga rekord ng kasaysayan para matulungan ka sa iyong pagsasaliksik sa iyong talaangkanan.

• FamilySearch Research Wiki: I-access ang mga tulong at learning resource tungkol sa mga tool at terminolohiya sa FamilySearch.

• All About Me: Tuklasin ang mga impormasyon tungkol sa iyong pangalan at mga kaganapan sa taon ng iyong kapanganakan.

Para ma-access ang mas maraming feature sa FamilySearch website, sundin ang mga hakbang na ito para mag-sign in:

1. Magpunta sa FamilySearch.org, at iklik ang Sign In.

2. Piliing mag-sign in gamit ang iyong kasalukuyang Google, Facebook, Apple, o Church account (para sa mga miyembro ng Ang Simbahan ni Jesucristo ng mga Banal sa mga Huling Araw).

3. Kung mas gusto mo, maaari ka ring gumawa ng username at password.

4. Magpasok ng email o mobile number para sa recovery option.

5. Sumang-ayon sa Mga Tuntunin sa Paggamit at Pabatid tungkol sa Privacy, at iklik ang Done.

6. I-activate ang iyong account sa pamamagitan ng pagsunod sa mga tagubiling ipinadala sa iyong email o mobile phone.

Maaari mong i-access ang FamilySearch kahit saan sa pamamagitan ng pag-download ng Family Tree, Memories, o Get Involved app mula sa Apple App Store o Google Play Store. Kapag na-install na ang app, buksan ito, at mag-sign in gamit ang iyong FamilySearch account.

Oo, priyoridad ng FamilySearch ang user privacy at data security, at gumagamit ito ng matatatag na seguridad para protektahan ang iyong impormasyon. Makaaasa ka na ang iyong data ay pinangangalagaang mabuti.

Kung saan ka mag-uumpisa ay nakadepende kung ano ang gusto mong makamit. Narito ang ilang opsiyon para matulungan kang makapagsimula:

• Lumikha ng isang family tree: Magsimula sa pagpasok ng impormasyong alam mo na tungkol sa pamilya mo. Pagkatapos ay maaari mong gamitin ang malawak na database ng FamilySearch para maghanap ng karagadagang mga talaan at palawakin pa ang iyong tree.

• Maghanap ng mga ninuno sa mga dokumento ng kasaysayan: Gamitin ang search feature sa FamilySearch para maghanap sa bilyun-bilyong talaan, kabilang na ang mga talaan ng kapanganakan, kasal, kamatayan, census, at militar.

• Ingatan ang mga retrato at kuwento ng pamilya: Gamitin ang Memories feature para mag-upload ng mga retrato, kuwento, at dokumento.

• Tumanggap ng personal na tulong: Magpa-iskedyul ng libreng konsultasyon sa isang FamilySearch expert para sa mas personal na tulong.

Kung nagkaroon ka ng mga problemang teknikal habang ginagamit ang FamilySearch, ang FamilySearch Help Center ay may maraming resource, kabilang na ang mga artikulo, tutorial, at FAQs para matulungan kang malutas ang mga karaniwang problema. Kung kailangan mo pa ng karagdagang tulong, maaari ka ring makipag-ugnayan sa FamilySearch support team para sa personal na tulong.

May ilang resource na makakatulong sa iyong pananaliksik ng talaangkanan, kabilang na ang mga online video, lokal na FamilySearch center, at online consultation. Ang FamilySearch ay mayroon din mga blog at event na nagtuturo ng iba't ibang kasanayan sa genealogy. Ang mga libreng resource na ito ay makatutulong sa iyo na matukoy ang kinakailangang tulong upang masulit ang iyong pagsasaliksik sa kasaysayan ng pamilya.

Kapag alam mo ang tungkol sa iyong family tree, mas makikilala mo kung sino ka at kung paano mamuhay nang mas mabuti. Tutulungan ka ng talaangkanan na maunawaan ang iyong pagkakakilanlan, kumonekta sa mga ninuno, at maging mas matatag sa pamamagitan ng pag-unawa sa kanilang mga hamon. Ito ay nagtataguyod ng pagkahabag, nagpapatibay ng samahan ng pamilya, at nagpapalakas ng pagpapahalaga sa sarili sa pamamagitan ng pagtulong sa iyo na maunawaan na ikaw ay bahagi ng isang mas malaking kuwento.

Ang FamilySearch ay nag-oorganisa ng maraming event sa buong taon, kabilang na ang taunang RootsTech event, ang pinakamalaking family history conference sa buong mundo, na idinaraos taun-taon na maaaring daluhan nang personal o online. Ang FamilySearch ay regular ding nag-aalok ng mga webinar at mga klase sa buong taon tungkol sa iba't ibang paksa sa genealogy.