FAQs

Ko e FamilySearch ko ha kautaha mo ha uepisaiti ia ʻoku ʻikai fakatupu paʻanga ʻoku fakataumuʻa ki hono tokoniʻi e kakaí ke nau ʻiloʻi honau hisitōlia fakafāmilí. ʻOkú ne ʻoatu taʻetotongi ʻa e ʻū lekooti tohi hohoko, ʻakau fakafāmili, mo e ngaahi maʻuʻanga tokoni kehe. ʻOku makehe ʻa e FamilySearch koeʻuhí he ko ha maʻuʻanga tokoni taʻetotongi ia pea ko e taha ia ʻo e ngaahi kautaha tohi hohoko lahi mo mahinongofua taha ʻi he māmaní, ʻoku poupouʻi ʻe ha netiueka fakaemāmani lahi ʻo ha kau ngāue tokoni ʻoku nau tokoni ki hono fakahokohoko fakamotuʻalea mo fakatolonga ʻa e ngaahi fakamatala fakahisitōliá.

Ko e FamilySearch International ko e kautaha tohi hohoko lahi taha ia ʻi he māmaní, pea ʻoku siponisā ia ʻe he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní. Kuo laka hake ʻi he taʻu ʻe 125 ʻa ʻene tānaki, fakatolonga, mo vahevahe ʻa e ʻū lekooti tohi hohokó. ʻOku fakaʻaongaʻi ʻe he kakai ʻe laui miliona ʻa e ngaahi maʻuʻanga tokoni taʻetotongi ʻi he ʻinitanetí ʻi he FamilySearch.org pea mo e ngaahi senitā FamilySearch ʻe 6,500 tupu ʻi ha ngaahi fonua ʻe 129, kau ai ʻa e laipeli lahi ʻi Sōleki Siti, ʻIutaá.

ʻIo, ʻoku matuʻaki taʻetotongi hono fakaʻaongaʻi ʻo e FamilySearch. ʻOku ʻoatu taʻetotongi ʻe he kautahá ʻenau tānakiʻanga kehekehe ʻo e ʻū lekooti tohi hohokó, ʻakau fakafāmilí, mo e ngaahi maʻuʻanga tokoni kehé. Te ke lava ʻo faʻu ha ʻakauni, faʻu hoʻo fuʻu ʻakau fakafāmilí, mo hū ki he ʻū lekōtí ʻo ʻikai ha totongi ʻe taha.

ʻIo, ʻoku feinga ʻa e FamilySearch ke tokoniʻi e kakai ʻi he feituʻu kotoa pē ke nau fetuʻutaki mo honau hisitōlia fakafāmilí. ʻOku lava ke maʻu ia ʻi he ngaahi fonua ʻe 170 tupu pea ʻokú ne poupouʻi e ngaahi lea fakafonua lahi. ʻOku malava ke maʻu ʻa e uepisaití mo e ngaahi polokalama ʻi he telefoni toʻotoʻó ʻi he ngaahi lea fakafonua ʻe 40 tupu, kau ai ʻa e lea faka-Pilitāniá, faka-Sipeiní, faka-Falaniseé, faka-Siamané, faka-Siainá, faka-Siapaní, mo e ngaahi lea kehekehe.

Ke maʻu ʻa e aʻusia lelei tahá, ʻoku totonu ke ke hū ki loto. ʻOku fiemaʻu ʻe he ngaahi polokalama tefito lahi ke ke hū ki loto, ka ʻoku nau taʻetotongi kotoa. Ka neongo ia, ʻoku ʻikai fiemaʻu ia ke ke hū ki loto ke maʻu e ngaahi polokalama lahi ʻi he uepisaití, kau ai e ngaahi maʻuʻanga tokoni ko ʻení:

• Katiloka ʻa e FamilySearch: Fekumi ki ha ʻū lekooti fakahisitōlia ke tokoni ki hoʻo fakatotolo fakatohihohokó.

• Fekumi ʻi he Wiki ʻa e FamilySearch: Maʻu ha tokoni mo e ngaahi maʻuʻanga tokoni ki he akó fekauʻaki mo e ngaahi meʻangāue mo e ngaahi foʻi lea ʻi he FamilySearch.

• All About Me: ʻIloʻi ha ngaahi moʻoniʻi meʻa fekauʻaki mo ho hingoá mo e ngaahi meʻa ne hoko mei he taʻu ne fanauʻi ai koé.

Ke maʻu ha ngaahi polokalama lahi ange ʻi he uepisaiti FamilySearch, muimui ʻi he ngaahi sitepu ko ʻení ke hū ki loto:

1. ʻAlu ki he FamilySearch.org, pea lomiʻi ʻi he Hū ki Lotó.

2. Fili ke hū ki loto ʻo ngāue ʻaki ho ʻakauni Google, Facebook, Apple, pe ʻakauni he Siasí (maʻá e kau mēmipa ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní).

3. Kapau ʻokú ke fiemaʻu, te ke lava foki ʻo faʻu ha hingoa ngāue mo e lea fufū.

4. Fakahū ha ʻīmeili pe fika telefoni toʻotoʻo ki he ngaahi fili ki hono toe maʻu mai [ho ʻakauní].

5. Tali ʻa e Ngaahi Tuʻutuʻuni ki Hono Fakaʻaongaʻí mo e Fakatokanga ʻo e Totonu Fakatāutahá, pea lomiʻi ʻi he Kuo Lava.

6. Fakaʻatā hoʻo ʻakauní ʻaki hoʻo muimui ki he ngaahi fakahinohino ne ʻave atu ki hoʻo ʻīmeilí pe telefoni toʻotoʻó.

Te ke lava ʻo hū ki he FamilySearch ʻi hoʻo fononga holó ʻaki haʻo download ʻa e ngaahi polokalama Family Tree, Memories, pe Get Involved mei he Apple App Store pe Google Play Store. Ko ʻene ʻosi pē hono install e polokalamá, fakaava ia, pea hū ki loto ʻaki hoʻo ʻakauni FamilySearch.

ʻIo, ʻoku fakamuʻomuʻa ʻe he FamilySearch ʻa e totonu fakataautaha mo e malu ʻo e fakamatala ʻa e tokotaha ʻokú ne ngāue ʻakí, ʻo ʻi ai e ngaahi founga mafatukituki ke maluʻi hoʻo fakamatalá. Te ke lava ʻo falala ʻoku tauhi hoʻo fakamatalá ʻi he founga malu tahá.

ʻOku makatuʻunga lahi e feituʻu ʻokú ke kamata aí mei he meʻa ʻokú ke fiemaʻu ke aʻusiá. Ko ha ngaahi fili ʻeni ʻe niʻihi ke tokoniʻi koe ke ke kamata:

• Faʻu ha fuʻu ʻakau fakafāmili: Kamata ʻaki haʻo fakahū e fakamatala ʻokú ke ʻosi ʻilo fekauʻaki mo hoʻo fāmili ofí. Te ke lava leva ʻo fakaʻaongaʻi ʻa e tauhiʻanga fakamatala kehekehe ʻa e FamilySearch ke kumi ha ʻū lekooti kehe mo fakalahi hoʻo fuʻu ʻakaú.

• Kumi ʻa e ngaahi kuí ʻi he ʻū tohi fakahisitōliá: Fakaʻaongaʻi ʻa e founga fekumi ʻi he FamilySearch ke fakatotoloʻi ha ʻū lekooti ʻe laui piliona, kau ai ʻa e lekooti tohitaʻú, malí, pekiá, tohi kakaí, mo e ʻū lekooti fakakautaú.

• Tauhi ʻa e ʻū taá mo e ngaahi talanoa fakafāmilí: Fakaʻaongaʻi ʻa e polokalama ʻo e Ngaahi Manatu Melié ke upload ʻa e ʻū taá, ngaahi talanoá, mo e fakamatala fakapepá.

• Maʻu ha tokoni fakafoʻituitui: Fakataimitēpileʻi ha faifaleʻi taʻetotongi mo ha mataotao ʻi he FamilySearch ki ha tokoni ʻoku fakatefito pē kiate koe.

Kapau te ke fehangahangai mo ha ngaahi palopalema fakatekinikale lolotonga hoʻo fakaʻaongaʻi ʻa e FamilySearch.org, ʻoku ʻoatu ʻe he Senitā Tokoni ʻo e FamilySearch ha ngaahi maʻuʻanga tokoni lahi, kau ai ha ngaahi fakamatala, ngaahi ako, mo ha FAQs ke tokoni ki hono fakaleleiʻi ʻo e ngaahi palopalema angamahení. Kapau te ke fiemaʻu ha toe tokoni, te ke lava foki ʻo fetuʻutaki ki he timi tokoni ʻa e FamilySearch ki ha tokoni fakafoʻituitui.

ʻOku ʻi ai ha ngaahi maʻuʻanga tokoni lahi ke tokoniʻi koe ʻi hoʻo fakatotolo tohi hohokó, kau ai e ngaahi vitiō ʻi he ʻinitanetí, ngaahi senitā FamilySearch fakalotofonuá, mo e talatalaifale ʻi he ʻinitanetí. ʻOku ʻi ai ha ngaahi blogs mo e ngaahi polokalama ʻi he FamilySearch ʻoku nau akoʻi ha ngaahi taukei kehekehe ʻi he tohi hohokó. ʻE ala tokoni ʻa e ngaahi maʻuʻanga tokoni taʻetotongi ko ʻení ke ke ʻiloʻi e tokoni ʻokú ke fiemaʻú ke ke aʻusia lelei taha ai hoʻo fakatotolo fakatohihohokó.

ʻI hoʻo ʻilo lahi ange fekauʻaki mo hoʻo fuʻu ʻakau fakafāmilí, ʻokú ke ʻilo lahi ange ai fekauʻaki mo koe mo e founga ke moʻui lelei ange aí. ʻOku tokoni ʻa e tohi hohokó ke mahino kiate koe ho tuʻungá, fehokotaki mo e ngaahi kuí, mo langa hake ʻa e loto-vilitakí ʻaki hoʻo ako fekauʻaki mo ʻenau ngaahi faingataʻá. ʻOkú ne tanumaki ʻa e manavaʻofá, fakamālohia e ngaahi haʻi fakafāmilí, mo fakalahi ʻa e mahuʻingaʻia ʻiate kitá ʻaki ʻene tokoni ke mahino kiate koe ʻa e founga ʻokú ke hoko ai ko ha konga ʻo ha talanoa lahi angé.

ʻOku fakahoko ʻe he FamilySearch ha ngaahi polokalama kehekehe ʻi he taʻú kakato, kau ai ʻa e polokalama fakataʻu ʻa e RootsTech, ko e konifelenisi lahi taha ʻa e hisitōlia fakafāmilí ʻi he māmaní, ʻoku fakahoko fakataʻu ia pea ʻoku lava ke fili ke kau tonu ki ai pe kau ʻi he ʻinitanetí. ʻOku ʻomi foki ʻe he FamilySearch ha ngaahi uepinā mo e ngaahi kalasi angamaheni ʻi he ngaahi tefito tohi hohoko kehekehe ʻi he taʻú kakato.