MKI

Ang FamilySearch usa ka dili pangnegosyo nga organisasyon ug website nga gipahinungod sa pagtabang sa mga tawo sa pagdiskobre sa ilang family history. Kini nagtanyag og libre nga akses ngadto sa mga rekord sa genealogy, mga family tree, ug uban pang mga kapanguhaan. Ang FamilySearch talagsaon tungod kay kini usa ka libre nga kapanguhaan ug usa sa labing dako ug labing komprehensibong mga organisasyon sa genealogy sa kalibotan, gisuportahan sa tibuok kalibotan nga network sa mga boluntaryo kinsa nagtabang sa pag-index ug pagpreserbar sa makasaysayanong mga dokumento.

Ang FamilySearch International, gipaluyohan sa Ang Simbahan ni Jesukristo sa mga Santos sa Ulahing mga Adlaw, mao ang labing dako nga organisasyon sa genealogy sa kalibotan. Sulod sa kapin 125 ka tuig, kini nagpundok, nagpreserbar, ug nagpakigbahin og mga rekord sa genealogy. Minilyon sa mga tawo ang naggamit sa libre nga mga kapanguhaan sa online diha sa FamilySearch.org ug pinaagi sa sobra 6,500 ka sentro sa FamilySearch sa 129 ka nasod, lakip ang nag-unang librarya sa Siyudad sa Salt Lake, Utah.

Oo, libre gayod ang paggamit sa FamilySearch. Ang organisasyon naghatag og libre nga akses ngadto sa halapad nga koleksiyon sa mga rekord sa genealogy, mga family tree, ug uban pang mga kapanguhaan. Pwede kang maghimo og account, palamboon ang imong family tree, ug makaakses sa mga rekord nga walay bayad.

Oo, ang FamilySearch nagtinguha sa pagtabang sa mga tawo bisan asa nga makakonektar ngadto sa kasaysayan sa ilang pamilya. Kini anaa na sa sobra 170 ka nasod ug nagsuporta sa daghang pinulongan. Ang website ug mobile nga mga app anaa na sa sobra 40 ka mga pinulongan, lakip ang English, Spanish, French, German, Chinese, Japanese, ug daghan pa.

Aron makakuha sa labing maayo nga kasinatian, kinahanglan ka nga mo-sign in. Daghan sa nag-unang mga feature nagkinahanglan nga mo-sign in ka, apan libre ra gayod kini tanan. Apan, dili ka na kinahanglan nga mo-sign in aron maakses ang daghang feature sa website, lakip niini nga mga kapanguhaan:

• FamilySearch Catalog: Mangita alang sa makasaysayanong mga rekord aron sa pagtabang sa imong pagsiksik sa genealogy.

• FamilySearch Research Wiki: Mo-akses sa tabang ug mga kapanguhaan sa pagkat-on mahitungod sa mga himan sa FamilySearch ug terminolohiya.

• Tanan Mahitungod Kanako: Magdiskobre sa mga kamatouran bahin sa imong ngalan ug mga panghitabo gikan sa mga tuig sa imong pagkatawo.

Aron maakses ang dugang pa nga mga feature sa website sa FamilySearch, sunda kini nga mga lakang aron maka-sign in:

1. Adto sa FamilySearch.org, ug iklik ang Sign In.

2. Pilion nga mo-sign in gamit ang imong account sa Google, Facebook, Apple, o sa Simbahan (alang sa mga miyembro sa Ang Simbahan ni Jesukristo sa mga Santos sa Ulahing mga Adlaw).

3. Kon gustohon nimo, mahimo ka usab nga maghimo og usa ka username ug password.

4. I-type ang email o mobile nga numero alang sa mga opsiyon sa pag-recover.

5. Mouyon sa Mga Kondisyon sa Paggamit ug sa Pahibalo sa Pagkapribado, ug dayon iklik ang Humana.

6. I-activate ang imong account pinaagi sa pagsunod sa mga intruksiyon nga gipadala diha sa imong email o mobile nga telepono.

Imong maakses ang FamilySearch bisan asa ka pa pinaagi sa pag-download sa Family Tree, Mga Handomanan, o sa Get Involved nga mga app gikan sa Apple App Store o Google Play Store. Dihang ang app ma-install na, ablihi kini, ug sign in gamit ang imong account sa FamilySearch.

Oo, prayoridad sa FamilySearch ang pagkapribado ug seguridad sa datos sa tiggamit, uban sa lig-ong proteksiyon sa dapit aron panalipdan ang imong impormasyon. Makasalig ka nga ang imong datos gidumala uban sa labaw nga pag-amping.

Kon asa ka magsugod kadaghanan nagdepende kon unsa ang imong makab-ot. Ania ang pipila ka opsiyon sa pagtabang nimo nga makasugod:

• Paghimo og family tree: Sugdi pinaagi sa pag-type sa impormasyon nga imo nang nasayran mahitungod sa imong direktang pamilya. Dayon pwede nimong gamiton ang halapad nga database sa FamilySearch sa pagpangita og dugang nga mga rekord ug sa pagpalapad sa imong tree.

• Mangita og mga katigulangan diha sa makasaysayanong mga dokumento: Gamita ang pagpangita nga feature diha sa FamilySearch aron sa pagsuhid sa binilyon nga mga rekord, lakip ang mga rekord sa pagkatawo, kaminyoon, pagkamatay, census, ug sa mga rekord sa militar.

• Ipreserbar ang mga litrato sa pamilya ug mga istorya: Gamita ang feature sa Mga Handomanan sa pag-upload og mga litrato, mga istorya, ug mga dokumento.

• Pagkuha og personal nga tabang: Pag-eskedyul og libre nga konsultasyon sa eksperto diha sa FamilySearch alang sa nindot nga tabang.

Kon makasugat ka og teknikal nga mga isyu samtang naggamit sa FamilySearch.org, ang Sentro sa Tabang sa FamilySearch nagtanyag og kaabunda sa mga kapanguhaan, lakip ang mga artikulo, mga tutorial, ug MKI aron sa pagtabang nga masolbad ang komon nga mga problema. Kon nagkinahanglan ka dugang tabang, pwede nimong kontakon ang suporta nga grupo sa FamilySearch alang sa personal nga tabang.

Daghan sa mga kapanguhaan anaa aron pagtabang nimo uban sa imong pagsiksik sa genealogy, lakip ang online nga mga bidyo, mga sentro sa lokal nga FamilySearch, ug online nga mga konsultasyon. Ang FamilySearch adunay mapuslanon nga mga blog ug mga panghitabo nga magtudlo sa lainlaing mga kahanas sa genealogy. Kining libre nga mga kapanguhaan makatabang nimo sa pag-ila sa tabang nga imong kinahanglan aron mahimong maayo ka sa pagsiksik sa family history.

Pinaagi sa pagkasayod og dugang pa bahin sa imong family tree, ikaw mas masayod kon si kinsa ka ug unsaon sa pagpuyo og maayong kinabuhi. Ang geanealogy motabang nimo nga makasabot sa imong pagkatawo, makakonektar sa imong mga katigulangan, ug makapalig-on pinaagi sa pagkat-on mahitungod sa ilang mga hagit. Kini nagpalambo og kaluoy, nagpalig-on sa pagbugkos sa pamilya, ug nagpalambo sa bili sa kaugalingon pinaagi sa pagtabang nga makasabot ka sa unsang paagi nga nahimo kang kabahin sa mas dakong istorya.

Ang FamilySearch nag-host sa daghang mga kalihokan sa tibuok tuig, lakip ang tinuig nga kalihokan sa Roots Tech, ang labing dako sa tibuok kalibotan nga komperensiya sa family history, nga gipahigayon matag tuig sa personal ug sa virtual nga mga opsiyon. Nagtanyag usab ang FamilySearch og regular nga mga webinar ug mga klase bahin sa lainlaing mga hilisgotan sa genealogy sa tibuok tuig.