Ang FamilySearch luwas nga motipig sa imong impormasyon

Mga butang sama sa mga ngalan ug mga petsa nga imong idugang ngadto sa FamilySearch mahitungod sa PATAY NA nga mga indibidwal usa kini ka publiko ug ipakigbahin kini ngadto sa ubang mga tiggamit sa FamilySearch diha sa komunidad sa Family Tree. Ang sama nga impormasyon nga imong idugang mahitungod sa BUHI nga mga indibidwal magpabilin nga pribado diha nimo gawas lang kon imo kining ipakigbahin. Pwede usab nimong ipakigbahin ang impormasyon sa imong pamilya diha sa usa sa among mga kaanib nga mga site, sama sa Ancestry.com, aron mapalapdan pa ang imong family history nga mga paningkamot. Dili namo ibaligya ang imong impormasyon. Ipakigbahin lang namo sa among mga kaanib ang datos nga imong gitakda, ug pwede nimong bawion ang akses bisan kanus-a.

Ang impormasyon nga imong ipakigbahin ngadto sa FamilySearch gamiton aron sa paghatag nimo og impormasyon sa genealogy ug sa mga kapanguhaan. Kami nagkinahanglan og pipila ka personal nga impormasyon aron sa paghatag nimo og akses (usa ka account) ngadto sa site ug sa mga feature niini. Pananglitan, mga ngalan, mga petsa, ug ubang ipormasyon mahitungod sa imong mga katigulangan, maoy gamiton aron maghimo og awtomatik nga mga pagpangita alang sa imong pamilya diha sa makasaysayanong mga rekord.

Ang mga litrato, mga istorya, mga dokumeto, ug audio nga mga rekord, (gitawag nga "mga handomanan" diha sa FamilySearch) pwedeng himoon nga publiko (nga makita ngadto sa tanang mga tiggamit sa FamilySearch) o pribado (nga makita lamang sa tawo nga midugang niini). Pwede usab nimong pilion nga himoong makita lang ang handomanan sa usa ka grupo sa pamilya.

Oo, ang FamilySearch usa ka lehitimo nga website. Kini gidumala pinaagi sa usa ka hingpit nga gipundohan nga dili pangnegosyo nga nagtinguha sa paghatag og libre nga pagdiskobre sa family history ngadto sa tanan, bisan paman sa tradisyon, kultura, o sa relihiyosong pagtuo.